கண்கள் உன்னைத் தேடுதடி

கண்கள் உன்னைத் தேடுதடி

பல்லவி

கண்கள் உன்னைத் தேடுதடி
கண்மணியே கண்மணியே
நெஞ்சம் உன்னை நாடுதடி
என்னுயிரே என்னுயிரே

அனு பல்லவி

தாரகைக் கூட்டம் பார்க்கையிலே
உன் சிரிப்பு கண் எதிரே
தாமரைப் பூ பார்க்கையிலே
உன் கண்கள் நினைவினிலே



சரணம் 1

கனவுகளில் வந்து கீதமிசைத்தாய்.. எனை
வாவென்று அழகிய கண்கள் அசைத்தாய்..
மனசுக்குள் புகுந்து ஊஞ்சல் ஆடினாய்
எனக்கு மட்டும் நீ ஏஞ்சல் ஆகினாய்

உயிர் தேகம் இரண்டிலும் ஆட்சி புரிகிறாய்
நீ எனக்கென பார்வையால் சாட்சி பகர்கிறாய்

உன்னருகில் வாழ்ந்திருந்தாலே
உலகமொரு சுவர்க்கமே....



சரணம் 2

காதலோடு நீ என்னைப் பார்க்கிறாய்..
பார்வையால் எந்தன் கவலை தீர்க்கிறாய்
தென்றலாக மாறியே தீண்டிப் போகிறாய்..
தெரியாதது போல் தாண்டிப் போகிறாய்

இதயத்தில் மகிழ்ச்சி காட்டிச் செல்கிறாய்..
இயல்பான என்னை மாற்றிக் கொல்கிறாய்

உன்னருகில் வாழ்ந்திருந்தாலே
உலகமொரு சுவர்க்கமே....